Langsung ke konten utama

PASAHAT SULANGSULANG PAHOMPU DI JOLO NI BANGKE



PASAHAT SULANGSULANG PAHOMPU DI JOLO NI BANGKE

Nahinaholongan, bangso Batak songon sada bangso nametmet, mardalan dohot mangula di bagasan adat na pinungka ni omputa si jolojolo tubu. Tontu sahali, songon halak batak hita porlu situtu do hita manjaga adatta i songon sada warisan na tininggalhon ni ompunta si jolojolo tubu i. Alai jotjot sipata songon sada pribadi na hurang manghaporluhon taringot tu adat songon sada halak batak hita.

Ima na masa di sada ama na marujung ngolu di sada inganan di kota Medan. Humalaput ma sisolhotna laho patureture parmonding ni amantai, tarlumobi ma na mangalap boru sileban ibana, hape nunga sahat tu na marpahompu, ndang disahat dope adat sigararon na tu hulahulana.

Dipadalan ma adat na hombar tu na paabinghon naung magodang inanta i tu tulangna huhut pasahat sulangsulang pahompu nasida di jolo ni bangke ni amanta i. Ndang be tutu hibul mardalan adat angka nahombar tu ulaon i, holang unokna sambing nama na di pasahat asal ma naung setuju pihak paranak dohot pihak parboru hombar tu panghataion nasida. Ndung sidung ulaon na hombar tu si, ditorushon ma muse tu ulaon ni amanta na monding i.

Nahinaholongan. Une do rimanganta namasa sisongon on, songon sada jolma namangolu hita, tarlumobi ma namarhaporseaon, mangulahon adat ndada gabe harugian i, alai na mangulahon holong do hita disi, asa ungan ma tubu hata na mandok: “Nunga mate alai manusai dope”.Taingot ma, na arga situtu do adat na pingungka ni omputa si jolojolo tubu i. Tarlumobi ma di hita angka ama,  marhite na mangulahon adat do hita mananda dongan tubuta, marhita na mangulahon adat do hita mananda horong ni angka hulahulat, marhite na mangulahon adat do hita marsaor dohot dongan sahuta, asa unang ma adong songon inata i na manghabaluhon amantai, naung maheu rohana di parmonding ni amantai, tamba ma muse naso mangantusi adat ni hita halak batak ala boru silban ibana, alai ingkon ulahononna ma adat angka naporlu tusi di jolo ni bangke ni amantai. Tarida ma tutu naso marsaor amantai ala torop so piga do sisolhot, dongan sahuta tarlumobi ma horong ni angka hulahula.

Hita angka ama ma nuaeng jumolo mangarimangi na masa on, aut sura tarbaen dope sumangot ni amanta na monding i manghatai tu situan natorop na ro i, tontu sahali hata arsak do na naeng dohononna paboa napurlu do hape mangulahon adat. Tarlumobi ma na torop so piga na ro mangadopi adat di partuat ni amantai, na hurang parsaoran do hape amantai.

Nahinaholongan, tarsingot tu hata “marsaor” adong tolu unok ni parsaoran di ngoluta, ima:
1.       Marsaor dohot Debata;
2.       Marsaor dohot dongan jolma;
3.       Marsaor dohot ulaon.

Marsaor dohot Debata, boi ma tutu marhite na marminggu dohot na manjaha manang mambege hata ni Debata di parmingguon dohot di angka partangiangan. Alai, marsaor dohot Debata boi do taulahon on nang pe so marsaor hita dohot dongan jolma nang ulaonta.

Marsaor dohot dongan jolma, ima marsaor marhita namangulahon adat hita, mandohoti punguanpunguan (STM, Marga, punguan Koor, dohot angka na asing), marhite parsaoran di lapo (Kede Kopi) dohot angka na asing dope. Alai tongtong do boi ulahononta i marhite naso marsaor hita dohot Debata nang ulaonta.

Marsaor dohot ulaon, ima marhita na mangulahon ulaonta nauli songon nagabe dalan ni ngoluta, suang songoni marsaor dohot donganta nasaulaon i. Alai tongtong do boi taulahon i nang pe so marsaor hita dohot Debata nang dohot dongan jolma.

Tarimangi ma di bagasan rohanta, singkop do nguluta molo taulahon sada manang dua sian natolu i.
-           Aha ma panganonta molo holan marsaor hita dohot Debata nang dongan jolma.
-          Ahama jambarta molo holan marsaor hita dohot dongan jolma nang ulaonta.
-          Aha ma hajongjonganta di adopan ni situaon natorop molo holan marsaor hita dohot Debata nang ulaonta.
Alai molo marsaor hita di natolu i, toho ma tutu na mangulahon holong do hita disi songon si ihuthon Debata hita. Las rohata ala tarpasupasu ngoluta, marhita sian angka ulaonta, torop donganta jala parsidohot hita di harajaon ni Debata.

Tabi mardongan tangiang.
Parbengkel Do Au
(Siborok Theologi)
GBU Non Stop

Komentar

Posting Komentar

Postingan populer dari blog ini

KOOR NATAL

MENYAMBUT NATAL Memasuki minggu ke dua bulan september ini, tidak terasa sebentar lagi sudah mulai persiapan-persiapan yang menyangkut perayaan Natal. Persiapan-persiapan mulai dari perencanaan natal, perlengkapan pernak-pernik natal hingga yang tidak kalah pentingnya adalah koor natal. Nah, untuk melengkapi koor natal saudara tahun ini, kami persembahkan sebuah koor natal terbaru yang baru selesai di buat oleh Pencipta lagu sekaligus guru koor Samuel HS. Mudah-mudahan lagu koor ini menambah semangat kita dalam menyambut Natal tahun ini. Silahkan download partiturnya di sini Lagu Karo: I Love You Too (Anta Prima G)
Posting Komentar
Baca selengkapnya

Tudia Ho Dung Mate (Surga atau Neraka)???

Tudia Ho Dung Mate K ehidupan setelah meninggal bagi sebagian orang merupakan hal yang tidak masuk akal, apalagi bagi mereka yang tidak mempercayai adanya Tuhan. Bagi mereka hidup berakhir setelah manusia meninggal dunia. Namun tidak dengan orang-orang yang mempercayai adanya Tuhan, secara khusus bagi kita umat Kristen. Kita percaya percaya masih ada kehidupan setelah kita meninggalkan dunia yaitu kehidupan yang kekal; baik di sorga maupun neraka. Hal ini menjadi pilihan yang harus kita tentukan semasa kehidupan kita di dunia, bukan setelah kematian. Jika sorga menjadi tujuan kita, tentu ada hal yang harus kita penuhi dalam kehidupan kita di dunia, contohnya berbuat baik dan yang terutama mempercayai Yesus Kristus sebagai Tuhan dan Juru Selamat kita. Namun jika neraka menjadi tujuan hidup kita, tidak ada aturan yang mengatur hidup kita. Berbicara tentang sorga yang menjadi tujuan hidup kita, tentu kita harus mempercayai Yesus Kristus sebagai Juru Selamat kita, yang tel...
Posting Komentar
Baca selengkapnya